Xitoyning sport ishlari bosh ma’muriyati mamlakatning transfer xarajatlariga cheklov qo‘yilishini ma’lum qildi.

"Norasional kapital qo‘yilmalarni nazorat qilish maqsadida futbolchilarning maoshi va ularning transferlari uchun ma’lum daraja belgilanadi. Klublar yulduz futbolchilarga aqlbovar qiladigan daraja xarajat qilishlari kerak.

Chet eldan qimmat futbolchilarning sotib olinishi, futbol klublarining jiddiy xarajatlari va chet ellik futbolchilarning o‘ta yuqori maoshlari borasida muammolar yuzaga keldi va ommaning e’tiborini tortdi.

Biz tartibsiz transferlar va "yashirin" shartnomalarga qarshi kurashamiz. Qoida buzishda qo‘lga tushgan futbolchilar va agentlar jiddiy jazolanadilar", - deyiladi ma’muriyat bayonnomasida.