Bugun "Olmaliq" jamoasi "Bunyodkor" futbol akademiyasi maydonida navbatdagi o‘rtoqlik uchrashuvini o‘tkazdi.
Namanganning "Navbahor" jamoasiga qarshi kechgan bahsda yagona gol o‘yin taqdirini hal etdi. Ikkinchi taymda Alisher Mahmudov tomonidan urilgan gol vodiy jamoasiga g‘alaba keltirdi. Bu bahsda jamoadan 17 nafar futbolchi ishtirok etdi.
O‘rtoqlik uchrashuvi.
"Olmaliq" - "Navbahor" 0:1
Gol: Alisher Mahmudov
"Olmaliq": Akbar To‘rayev, Rahmatillo Berdimurodov, Shavkat Mullajonov, Vladislav Kasminin, Islom Inomov, Xurshid Muxtorov, Muhammad Isayev, Dilshod Jo‘rayev, Alibobo Rahmatullayev, Altimurot Annadurdiyev, Zabihillo O‘rinboyev.
Zaxiradan maydonga tushganlar: Abduqahhor Hojiakbarov, Azizbek Suyunov, Murod Rajabov, Shohnazar Norbekov, G‘ulom-Haydar G‘ulomov, Doniyor Usmonov.
"Navbahor": Akmal Tursunboyev, Hasanboy Ergashev, Abbos Otaxonov, G‘iyos Komilov, Tohir Shamsiddinov, Dilshod Jabborov, A’zam Aliyev, Zohir Pirimov, Ravshanbek Xursanov, Islombek Isoqjonov, Farrux Shotursunov.
Zaxiradan maydonga tushganlar: Alisher Samatov, Alisher Mahmudov, Abdulaziz Sultonov, Ilhom Boydedayev, Alisher Mirzayev, Azizbek Turg‘unboyev.
Hakam: Sherzod Qosimov
Mazkur o‘yindan so‘ng, "Olmaliq"ning poytaxtda tashkillashtirilgan ikkinchi o‘quv-yig‘in mashg‘uloti yakunlandi. Mashg‘ulotlarda ishtirok etgan Bobir Davlatovga xorij klubidan taklif tushganligi bois ruxsat berildi. Qahramon Mahamadjonovga esa javob berildi.
"Olmaliq" 11 yanvar kuni Turkiyaning Antaliya shahriga jo‘nab ketadi. Navbatdagi o‘quv-mashg‘ulot yig‘inlari xorijda tashkillashtiriladi.
