Butunjahon antidoping agentligining (WADA) sobiq rahbari va XOQ a’zosi Richard Paund Rossiyani JCH-2018 musobaqasidan mahrum qilinish imkoniyatlari haqida gapirdi.
«Rossiyada JCH-2018 musobaqasining o‘tkazilishi borasida FIFAning qarori bor. Ammo ba’zi mamlakatlar Rossiyada antidoping qoidalarining qo‘pol buzilishi yuzasidan norozilik bildirib, musobaqada ishtrok etishdan bosh tortishi mumkin. Agar shu holat yuz bersa, Rossiyani JCH-2018 dan mahrum qilish mumkin bo‘ladi. Biroq men FIFA ichidagi vaziyatni bilmayman va bu borada aniq bir gap aytolmayman» - dedi Paund.
10 yanvar kuni 19 mamlakatning, shu jumladan, AQSH, Kanada va Germaniyaning antidoping tashkilotlari Rossiyani barcha xalqaro musobaqalardan chetlatish va yirik musobaqalarni o‘tkazishdan mahrum qilishga chaqirgan edi.