Бутунжаҳон антидопинг агентлигининг (WADA) собиқ раҳбари ва ХОҚ аъзоси Ричард Паунд Россияни ЖЧ-2018 мусобақасидан маҳрум қилиниш имкониятлари ҳақида гапирди.
«Россияда ЖЧ-2018 мусобақасининг ўтказилиши борасида ФИФАнинг қарори бор. Аммо баъзи мамлакатлар Россияда антидопинг қоидаларининг қўпол бузилиши юзасидан норозилик билдириб, мусобақада иштрок этишдан бош тортиши мумкин. Агар шу ҳолат юз берса, Россияни ЖЧ-2018 дан маҳрум қилиш мумкин бўлади. Бироқ мен ФИФА ичидаги вазиятни билмайман ва бу борада аниқ бир гап айтолмайман» - деди Паунд.
10 январь куни 19 мамлакатнинг, шу жумладан, АҚШ, Канада ва Германиянинг антидопинг ташкилотлари Россияни барча халқаро мусобақалардан четлатиш ва йирик мусобақаларни ўтказишдан маҳрум қилишга чақирган эди.
