Sport nashrining Twitter’dagi sahifasi Serxio Ramos hamda Andres Inyestaga taalluqli gollar statistikasiga e’tibor qaratdi.
Ma’lum bo‘lishicha, futbolchilik karyerasi davomida Serxio Ramos Andres Inyestaga qaraganda 5 ta ko‘proq gol urgan. Faoliyatini «Sevilya» futbol klubida boshlagan va 2005 yilgi mavsumga kelib «Qirollik klubi»ga ko‘chib o‘tgan Serxio Ramos hozirga qadar raqiblar darvozasiga 77 ta gol urgan. Karyerasining dastlabki yillaridan buyon «Barselona» sharafini himoya qilib kelayotgan Andres Inyestaning umumiy gollari esa 72 tani tashkil qiladi.
Nashr bejizga bu ikki futbolchini tanlab olmagan. Biri Madridning «Real», ikkinchisi esa Kataloniyaning «Barselona» klubini maydonga sardor sifatida boshlab tushadi. Qiziq tomoni, Serxio Ramos himoya pozisiyasida to‘p suradi, shunga qaramay gollari soni hujumga nisbatan yaqinroq o‘ynaydigan Andres Inyestanikidan ko‘p.
Ma’lumot uchun, Andres Inyesta «Real»dagi raqibi va Ispaniya terma jamoasidagi jamoadoshi hisoblangan Serxio Ramosdan 2 yoshga katta. Inyesta 1984 yilning 11 may sanasida tug‘ilgan. Serxio Ramos esa 1986 yilning 30 mart kuni dunyoga kelgan.
