Bugun «Olmaliq» Antaliyada navbatdagi o‘rtoqlik uchrashuvini o‘tkazadi.
Jamoaning bu galgi raqibi Ukraina premyer-ligasi vakili "Karpati" bo‘ladi. Belaruslik Oleg Dulub bosh murabbiylik qilayotgan Lvov shahri jamoasi joriy mavsum 18 tur yakuniga ko‘ra musobaqa jadvalining so‘nggi pog‘onasini band etib turibdi. Bunga FIFA tomonidan klubga nisbatan ishlatilgan sanksiya ham sabab bo‘lgan. Halqaro futbol qo‘mitasi "Karpati" va "Dnepr"dan 6tadan ochko olib tashlash bo‘yicha qaror chiqargan. Ko‘p yillik tarixga ega jamoa uchun bu o‘rin munosib emasdek. Ukraina jamoasi xorijiy yig‘in orqali vaziyatni ijobiy tomonga o‘zgartirishga harakat qilmoqda. Jamoa yetakchilardan biri argentinalik legioner Gustavo Blanko-Leshchuk edi. 17 o‘yinda 7 gol urgan forvard Doneskning "Shaxtyor" jamoasiga yaqinda transfer bo‘ldi.
«Olmaliq» bilan bitta mehmonxonada istiqomat qilayotgan lvovliklar 18 yanvar kuni Qarshining "Nasaf" jamoasi bilan o‘rtoqlik o‘yini o‘tkazishdi. Unda hamyurtlarimiz 3:1 hisobida g‘alaba qozonishdi.
Darvoqe, o‘tgan mavsum "Olmaliq" sharafini himoya qilgan Yaroslav Martinyuk aynan shu jamoadan kelgandi.
Bugungi bahs Toshkent vaqti bilan 13:00da mehmonxonaga qarashli "Top kape" sport majmuasida boshlanadi.
