"Yuventus" bosh murabbiyi Massimiliano Allegri Italiya kubogi chorak finalida "Milan" ustidan qozonilgan g‘alabadan so‘ng (2:1) fikrlari bilan o‘rtoqlashdi.

"Ikkinchi bo‘limda bizga qiyin bo‘ldi, deya olmayman. Bu mavsumdagi ko‘p o‘yinlarni nazarda tutgan holda, bilamizki, "Milan" hech qachon taslim bo‘lmaydi. Hisobdan qat’iy nazar ular oldinga intiladi va o‘z futbolini o‘ynaydilar.

Bizda bir necha vaziyat bo‘ldi va raqibga darvozamiz oldida kam imkoniyat berdik. O‘yin oxirida 11x10 o‘ynadik, to‘rt hujumchi bilan, ammo ortiqcha o‘yinchi bizga foyda keltirmadi. Vaziyatlardan o‘zimiz foydalana olmadik, chunki juda orqaga qaytib yuborgan edik", - deydi Allegri.