"Ювентус" бош мураббийи Массимилиано Аллегри Италия кубоги чорак финалида "Милан" устидан қозонилган ғалабадан сўнг (2:1) фикрлари билан ўртоқлашди.
"Иккинчи бўлимда бизга қийин бўлди, дея олмайман. Бу мавсумдаги кўп ўйинларни назарда тутган ҳолда, биламизки, "Милан" ҳеч қачон таслим бўлмайди. Ҳисобдан қатъий назар улар олдинга интилади ва ўз футболини ўйнайдилар.
Бизда бир неча вазият бўлди ва рақибга дарвозамиз олдида кам имконият бердик. Ўйин охирида 11х10 ўйнадик, тўрт ҳужумчи билан, аммо ортиқча ўйинчи бизга фойда келтирмади. Вазиятлардан ўзимиз фойдалана олмадик, чунки жуда орқага қайтиб юборган эдик", - дейди Аллегри.
