“Barselona” sobiq yarim himoyachisi Xavining futbolchilik faoliyati davomida qo‘lga kiritgan yutuqlari haqida ko‘pchilik ma’lumotga ega. Biz Xavining hayoti haqidagi 10 ta ma’lumotni e’tiboringizga havola etamiz.
1. Tug‘ilgan kuni
Xabi 1980 yilning 25 yanvar kuni Ispaniyaning kichik Tarassa shaharchasida tavallud topgan. Aytishlaricha u tug‘ilganida 3,4 kg va 49 sm bo‘lgan ekan.
2. Ilk maoshi…
Xavi Kataloniya klubidagi birinchi maoshini olgan kuni to‘g‘ri elektronika do‘koniga yo‘l oladi va maoshining hammasiga onasi uchun toster sotib oladi.
O‘shanda 11 yoshli Xavi 24 yevro maosh olgan edi.
3. “Barsa” akademiyasida Xavining laqabi nima bo‘lgan?
“Barselona” afsonasi Xaviga “La Masiya” akademiyasida qanday laqab qo‘yganliklarini bilasizmi? Futbolchi intervyularining birida uni “mashina” deb atashganini aytib o‘tgan. Boisi Xavi mashg‘ulotlarda ko‘p harakat qilgan va hamisha harakatlari aniq chiqqan.
4. Xavi hujumchi bo‘lganmi?
Xavi “La Masiya”ga qabul qilinganida avvaliga hujumchi sifatida o‘ynagan. Biroq tezlikda ko‘plab bolalardan orqada qolib ketganligi bois, uni maydonning o‘rta chizig‘iga o‘tkazishgan.
5. Kumirlari
Bolaligida “Barselona” futbolchilari Xosep Gvardiola, Bernd Shuster hamda Fernando Redondalarning muxlisi bo‘lgan.
