"Portu" darvozaboni, "Real"ning sobiq posboni Iker Kasilyas vaqti-vaqti bilan muxlislarning g‘ushtakbozligiga uchrab turadigan Krishtianu Ronaldu haqid fikr bildirdi.
"Real" a’zosi sifatida Ronalduga hushtakbozlik qilishlarini sira tushauna olmayman, buning sabablari ham noma’lum. Axir u olti oy muqaddam Yevropa chempioni bo‘lgan edi. "Santyago Bernabeu"da hammaga hushtakbozlik qilinadi desam, o‘zimni ham eslaymanmi? Krishtianudan o‘zida bor hamma narsani talab qilishadi. Uning bo‘ynida katta ma’suliyat bor, u Messi bilan dunyoning eng yaxshi o‘yinchilari bo‘lib turishibdi. Bu klubda ijobiy va salbiy holatlar ko‘p. "Real"da o‘tmish bilan yashab bo‘lmaydi", - deydi Kasilyas.
Ronaldu Ispaniya chempionatining 20-turida "Real Sosyedad" bilan uchrashuvda bitta gol urib, yana bitta golga to‘p oshirganiga qaramay, muxlislar unga qarshi hushtakbozlik qilishgan edi.
