16 dekabr kuni Buxoro viloyati hokimi etib O‘ktam Barnoyev tasdiqlangandi. U 2008—2010 yillar davomida Samarqand viloyati hokimi sifatida ham faoliyat olib borgan.
Twitter’ning o‘zbekcha segmentida yozilishicha, 2007 yil Samarqandning «Dinamo» klubini turkmanistonlik mutaxassis Tachmurod Agamurodov qabul qilib olgan va jamoa mavsumni O‘zbekiston Oliy ligasida 5-o‘rinda yakunlagan. 2008 yil viloyat hokimligi O‘ktam Barnoyev qo‘liga o‘tgan va 1 oy o‘tib, Agamurodov ishdan olingan. «Dinamo» tarkibi esa tarqatilgan.
2016 yilgi mavsum Tachmurod Agamurodov «Buxoro» futbol klubida ish boshladi va jamoa mavsumni kuchli to‘rtlikda yakunladi. Yil yakunida O‘ktam Barnoyev Buxoro viloyati hokimligini qabul qilib oldi. Oradan taxminan bir oylar o‘tib, Tachmurod Agamurodov iste’foga chiqarildi.
Buning sababi na Barnoyev va na Agamurodov tomonidan oshkor etilgan. Ma’lumot uchun, Agamurodov bilan 5-o‘rinni qo‘lga kiritgan «Dinamo», keyingi — 2008 yilda 6-o‘ringa tushgan. 2009 yilga kelib 9-o‘rin bilan kifoyalangan va 2010 yilni bir yo‘la 12-o‘ringa sho‘ng‘igan.
