So‘nggi bir oy davomida yangi mavsum taraddudini Samarqandda o‘tkazgan «Dinamo» jamoasi 2 fevral kunidan Toshkentda yig‘in boshladi.

Ilhom Sharipov boshchiligidagi jamoamiz poytaxtda ikki hafta davomida o‘quv-mashg‘ulot yig‘inini o‘tkazadi. Bu orada jamoamiz bir qator o‘rtoqlik uchrashuvlarini o‘tkazishni rejalashtirgan. Jumladan, «Dinamo» 3 fevral kuni «Paxtakor», 5 fevralda esa «Bunyodkor» yoshlar jamoasiga qarshi maydonga tushadi.

«Dinamo» jamoasi tarkibida hozircha o‘zgarish bo‘lgani yo‘q. Tarkibda mahalliy futbolchilar bilan birga darvozabon Mixail Naumov va Aleksey Nikolayevlar ham mashg‘ulotlarga qo‘shilishgan. 15 fevralgacha davom etadigan o‘quv mashg‘ulot yig‘ini davomida tarkibda o‘zgarishlar bo‘ladi.

Eslatib o‘tamiz, yanvar oyida «Dinamo» Jizzaxda «So‘g‘diyona» bilan (0:0), Yangiyerda «Mash’al» (0:1), Navoiyda esa «Qizilqum»ga (2:0) qarshi o‘yinlar o‘tkazib, bir durang, bir g‘alaba va mag‘lubiyat qayd etgan edi.