«Roma» yarimhimoyachisi Daniele de Rossi jamoasi bilan yangi shartnoma borasida muzokara o‘tkazmoqda.
Football Italia xabariga ko‘ra, 33 yoshli futbolchi Xitoy klublaridan va MLS vakili «Nyu-York Siti»dan olgan taklifga rad javobini bergan.
De Rossi «Roma» bilan tuzgan shartnomasini yana ikki yilga uzaytirishga umid qilmoqda. «Roma» uni klubda olib qolishga tayyor, biroq maoshini keskin kamaytirgan holda. Ayni paytda futbolchi yiliga 6 mln yevro maosh olmoqda.
De Rossi Italiya chempionatining joriy mavsumida 18ta o‘yinda maydonga tushib, 2ta golga hammualliflik qilgan.
