Qit’amizning klublar miqyosidagi eng nufuzli musobaqasi sanaladigan Osiyo chempionlar ligasi guruh bosqichiga tashlangan qur’a natijalariga ko‘ra O‘zbekiston chempioni – “Lokomotiv” “A” guruhidan o‘rin olgandi.
“Temiryo‘lchilar”ga guruhda BAAning “Al-Ahliy”, Saudiyaning “At-Taavun” jamoalari raqiblik qilishi ma’lum bo‘lgandi. Bugun Osiyoning bir qator shaharlarida guruh bosqichiga yo‘l olish uchun saralash o‘yinlari o‘tkaziladi. Ulardan birida Eronning “Istiqlol” hamda Qatarning “As-Sadd”jamoalari o‘zaro bahs olib borishadi. Mazkur qarama-qarshilikda ustun kelgan jamoa esa “A” guruhidan o‘rin egallaydi.
