Kubalik MMA jangchisi Yoel Romero bo‘lajak raqibi – angliyalik Maykl Bispingning davolanishi uchun mablag‘ yig‘ishni boshladi.
«Men Maykl bilan 2017 yilning may oyida jang qilaman. Bellashuvdan so‘ng unga davolanishi uchun mablag‘ kerak bo‘ladi. Ishonchim komil, unga pul kerak bo‘ladi. Axir uning oilasi bor, men undan juda ham qattiq xavotirdaman. Iltimos, unga yordam berishga harakat qiling. Barcha yig‘ilgan mablag‘lar uning tiklanishi va faoliyatini yakunlashi munosabati bilan tashkil etiladigan bazmga sarflanadi», - deb yozdi Romero.
Romero va Bisping o‘rtasidagi jang UFC 211 musobaqasi doirasida may oyida bo‘lib o‘tishi mumkin. Angliyalik sportchi o‘rta vazndagi universal jangchilarning chempionlik kamari sohibi sanaladi.
37 yoshli Bisping faoliyati davomida 37 jang o‘tkazib, 30tasida g‘alaba qozongan bo‘lsa, Romero 12 jangda qatnashib, 11 bora zafar quchgan.
