Кубалик ММА жангчиси Йоэль Ромеро бўлажак рақиби – англиялик Майкл Биспингнинг даволаниши учун маблағ йиғишни бошлади.
«Мен Майкл билан 2017 йилнинг май ойида жанг қиламан. Беллашувдан сўнг унга даволаниши учун маблағ керак бўлади. Ишончим комил, унга пул керак бўлади. Ахир унинг оиласи бор, мен ундан жуда ҳам қаттиқ хавотирдаман. Илтимос, унга ёрдам беришга ҳаракат қилинг. Барча йиғилган маблағлар унинг тикланиши ва фаолиятини якунлаши муносабати билан ташкил этиладиган базмга сарфланади», - деб ёзди Ромеро.
Ромеро ва Биспинг ўртасидаги жанг UFC 211 мусобақаси доирасида май ойида бўлиб ўтиши мумкин. Англиялик спортчи ўрта вазндаги универсал жангчиларнинг чемпионлик камари соҳиби саналади.
37 ёшли Биспинг фаолияти давомида 37 жанг ўтказиб, 30тасида ғалаба қозонган бўлса, Ромеро 12 жангда қатнашиб, 11 бора зафар қучган.
