"Lester" bosh murabbiyi Klaudio Ranyeri APLning 25-turida "Suonsi"dan uchralgan mag‘lubiyat (0:2) sabablarini keltirdi.
"Bugun bizning "yangi mavsumimiz" boshlanishini kutgandim, ammo eski ahvolda qoldik. Bunga ishonish qiyin. Biz o‘yinni yaxshi boshlagan edik, ammo darvozamizga yo‘llangan dastlabki ikki zarba golga aylandi. Bunda voqeadan so‘ng o‘yinga qaytish qiyin. Bunga ishonib bo‘lmaydi.
Bizda ikki muammo bor: gol o‘tkazib yuboryapmiz va gol urolmayapmiz. Muaamolarni hal qilish uchun jamoa bilan gaplashib olishim kerak. Bunday ahvolda davom etib bo‘lmaydi. Mashinamiz buzulgani yo‘q, ammo maksimal saviyangni ko‘rsatmay turib, g‘alaba qozonish qiyin. "Suonsi" o‘yinchilari bizdan ko‘ra qat’iyroq bo‘lishdi.
Butan o‘ylarimiz premyer-liga haqida. Angliya kubogi va chempionlar ligasi - bu boshqa narsalar. Biz APLdagi o‘rnimizni saqlab qolmoqchimiz - bu bizning bosh maqsadimiz", - deydi Ranyeri.
