Yangi mavsumga Toshkentda tayyorgarlik ko‘rayotgan «Dinamo» jamoasi tarkibida bir qator futbolchilar murabbiylar ko‘rigidan o‘tishmoqda.

Jumladan, kuni kecha Edgar Gess qo‘l ostidagi «Dinamo» mashg‘ulotlariga «Sementchi»dan darvozabon Eldor Isaboyev, «Navbahor»ni tark etgan Murod To‘ychiboyev, «Andijon»dan Shukur Jumaboyev, o‘tgan mavsumni «Obod»da o‘tkazgan Ilhom Komilov, «Norin»dan Rustam A’zamov, «Mash’al»dan Dilyaver Abibullayevlar kelib qo‘shilishgan. Shuningdek, Mirjalol Qurbonov, Umrullo Ramazonov, Temur Vasilyev, Asqar Jadigerov singari futbolchilar ham murabbiylar sinovidan o‘tishmoqda.

Klub safiga bir hafta oldin kelib qo‘shilgan va nazorat bahsida ikkita gol urgan hujumchi Abdumalik Abdullayev bilan shartnoma imzolandi.