Ko‘p karra jahon chempioni Floyd Meyvezerning “Mayweather Promotions” kompaniyasi bilan hamkorlik qilayotgan hamyurtimiz Sanjarbek Rahmonov (6-1-0, 3 KO) 24 fevral kuni AQSHda navbatdagi jangini o‘tkazadi.
Ushbu professional boks kechasi tashkilotchilari Sanjarbek Rahmonovga qarshi jang qiladigan bokschining nomini e’lon qildi. Unga ko‘ra bokschimiz AQSH sharafini himoya qilayotgan asli meksikalik Xose Marrufoga qarshi ringga ko‘tariladi.
Hamyurtimizning raqibi haqida aytadigan bo‘lsa u 25 yoshda. Xose Marrufo professional bokschilik faoliyatini 2011 yili boshlagan va shu kungacha 10 ta uchrashuvda g‘alaba qozongan. Shuningdek, beshta mag‘lubiyat va ikkita durang ham qayd etgan.
Sanjarbek Rahmonov esa profesional ringda 2015 yildan buyon jang o‘tkazmoqda. Havaskorlar boksida katta tajribaga ega bo‘lgan hamyurtimiz shu kungacha oltita g‘alaba va bitta durang qayd etgan.
Sanjarbek Rahmonov va Xose Marrufo jangi sakkiz raund qilib belgilandi.
