Кўп карра жаҳон чемпиони Флойд Мейвезернинг “Mayweather Promotions” компанияси билан ҳамкорлик қилаётган ҳамюртимиз Санжарбек Раҳмонов (6-1-0, 3 КО) 24 феврал куни АҚШда навбатдаги жангини ўтказади.
Ушбу профессионал бокс кечаси ташкилотчилари Санжарбек Раҳмоновга қарши жанг қиладиган боксчининг номини эълон қилди. Унга кўра боксчимиз АҚШ шарафини ҳимоя қилаётган асли мексикалик Хосе Марруфога қарши рингга кўтарилади.
Ҳамюртимизнинг рақиби ҳақида айтадиган бўлса у 25 ёшда. Хосе Марруфо профессионал боксчилик фаолиятини 2011 йили бошлаган ва шу кунгача 10 та учрашувда ғалаба қозонган. Шунингдек, бешта мағлубият ва иккита дуранг ҳам қайд этган.
Санжарбек Раҳмонов эса професионал рингда 2015 йилдан буён жанг ўтказмоқда. Ҳаваскорлар боксида катта тажрибага эга бўлган ҳамюртимиз шу кунгача олтита ғалаба ва битта дуранг қайд этган.
Санжарбек Раҳмонов ва Хосе Марруфо жанги саккиз раунд қилиб белгиланди.
