“Qo‘qon-1912” Toshkentda “Qizilqum”ga qarshi nazorat o‘yinini o‘tkazdi.

Bu o‘yinga har ikki jamoa jangovor tarkib bilan keldi. Shunday bo‘lsa-da, jamoalar uchrashuvni ehtiyotkorlik bilan boshlashdi. 9-daqiqada Suhrob Berdiyevning zarbasi kuchli biroq, ozgina noaniq chiqdi.

Birinchi bo‘lim yakunlanishi arafasida futbolchilarda ikkita imkoniyat vujudga keldi. Avvaliga Nosir Otaqo‘ziyevning bosh bilan bergan zarbasi gol bo‘lishiga aniqlik yetishmadi. Yana bir qulay vaziyatdan Kimsanov foydalana olmadi. Birinchi bo‘lim nursiz durang bilan intiho topdi.

Ikkinchi bo‘lim vakillarimiz uchun omadli boshlandi. 51-daqiqada Suhrob Berdiyev hisobni ochdi. Himoyachi darvozabonga to‘p uzatishda xatoga yo‘l qo‘ydi. Hujumchimiz esa raqiblarni kechirib o‘tirmadi.

75-daqiqada Merzlyakov birga-bir vaziyatdan gol urolmadi. Darvozabon yaxshi o‘ynadi.

80-daqiqada Pardayev bosh bilan kuchli zarba yo‘lladi. Sal noaniq bo‘ldi.

Qolgan daqiqalar mobaynida har ikki jamoada gol urish uchun bir qator vaziyatlar vujudga keldi. Amo ulardan hech kim foydalana olmadi.

O‘rtoqlik uchrashuvi
“Qo‘qon-1912” – “Qizilqum” – 1:0 (0:0)
Bosh hakam: Ravshan Ermatov.
Gol: Suhrob Berdiyev – 51.
“Qo‘qon-1912”: 21. Muzaffar Abdullayev, 29. Aleksandr Merzlyakov, 5. Jalil Kimsanov, 75. Murod Xolmuhammedov, 83. Ruslan Melziddinov, 55. Darko Gojkovich, 6. Bahodir Akramov, 7. Akmal Xolmurodov, 99. Bahodir Pardayev, 90. Suhrob Berdiyev, 9. Nosir Otaqo‘ziyev.
Zaxira: 13. Nikita Ribkin, 15. Oybek Rustamov, 10. Iqbol Malikjonov, 20. Sobir Hamidov, 25. Andrey Sidorov.
“Qizilqum”: U. Xonimqulov, A. Usmonov, F. Qambarov, G‘. Jumayev, A. Yusupov, I. Yunusov, E. Boydullayev, B. G‘anijonov, J. Hasanov, A. Gevorkyan, A. Allaniyozov.