Andijon shahrida “Hokim kubogi-2017” musobaqasining 2-tur uchrashuvlari bo‘lib o‘tdi.
Turnirda qatnashayotgan «Navbahor» yoshlari ikkinchi o‘yinni Andijonning “O‘zTongXongKo” jamoasiga qarshi o‘tkazib, 1:2 hisobida imkoniyatni boy berdi.
Faoliyati davomida oliy va birinchi ligada to‘p surgan futbolchilardan tashkil topgan jamoaga qarshi bahsni yoshlar munosib tarzda o‘tkazishga harakat qilishdi. Birinchi bo‘limda hisob ochilmadi.
Tanaffusdan keyin yosh “navbahor”chilar G‘olibbek Karimovning olis masofadan yo‘llagan zarbasidan so‘ng hisobni ochishdi. Lekin, g‘alabani saqlab qolish nasib etmadi. Andijonliklar g‘alaba gollarini o‘yinning so‘nggi daqiqalarida urishdi.
Uchrashuvni «Navbahor» yoshlari quyidagi tarkibda o‘tkazishdi: Mirzohid Mamatxanov, Ibrohim Ismoilov, Iskandar Siddiqjanov, Hojiakbar Yunusov, G‘olibbek Karimov Shohruhbek Ahmadaliyev (Ayubxon Jo‘rayev), Abbos G‘ulomov, Ahmad Mamadaliyev, Omonullo Mirzayev (Islom Abduqodirov, Abdulqodir Sobirov), Shodiyor Sharofiddinov (Ismoil Abduraimov), Ilhom Aliboyev (Abdulaziz Jalilov).
«Navbahor» “A” guruhida ikkita o‘yinda bir ochko jamg‘arishga erishishdi. So‘nggi tur o‘yini esa 19 fevral kuni Andijonning “O‘zDongJu” jamoasiga qarshi o‘tkaziladi.
