Андижон шаҳрида “Ҳоким кубоги-2017” мусобақасининг 2-тур учрашувлари бўлиб ўтди.

Турнирда қатнашаётган «Навбаҳор» ёшлари иккинчи ўйинни Андижоннинг “ЎзТонгХонгКо” жамоасига қарши ўтказиб, 1:2 ҳисобида имкониятни бой берди.

Фаолияти давомида олий ва биринчи лигада тўп сурган футболчилардан ташкил топган жамоага қарши баҳсни ёшлар муносиб тарзда ўтказишга ҳаракат қилишди. Биринчи бўлимда ҳисоб очилмади.

Танаффусдан кейин ёш “навбаҳор”чилар Ғолиббек Каримовнинг олис масофадан йўллаган зарбасидан сўнг ҳисобни очишди. Лекин, ғалабани сақлаб қолиш насиб этмади. Андижонликлар ғалаба голларини ўйиннинг сўнгги дақиқаларида уришди.

Учрашувни «Навбаҳор» ёшлари қуйидаги таркибда ўтказишди: Мирзоҳид Маматханов, Иброҳим Исмоилов, Искандар Сиддиқжанов, Ҳожиакбар Юнусов, Ғолиббек Каримов Шоҳруҳбек Аҳмадалиев (Аюбхон Жўраев), Аббос Ғуломов, Аҳмад Мамадалиев, Омонулло Мирзаев (Ислом Абдуқодиров, Абдулқодир Собиров), Шодиёр Шарофиддинов (Исмоил Абдураимов), Илҳом Алибоев (Абдулазиз Жалилов).

«Навбаҳор» “А” гуруҳида иккита ўйинда бир очко жамғаришга эришишди. Сўнгги тур ўйини эса 19 февраль куни Андижоннинг “ЎзДонгЖу” жамоасига қарши ўтказилади.