«Manchester Yunayted» bosh murabbiyi Joze Mourinyo jamoa yarim himoyachisi Pol Pogbaning jahonning eng qimmatbaho futbolchisiga maqomidan mahrum bo‘lishini istaydi.

«O‘ylaymanki, yana 2 yildan keyin mazkur transfer arzon ko‘rina boshlaydi. Faqat kam sonli jamoalar yaqin kelajakda nima sodir bo‘lishini tushunishadi.

Bir necha yil avval 25 million funtni faqat daho futbolchilarga sarflashardi. Hozir esa yosh futbolchi shuncha turadi. Hozir yosh istiqbolli futbolchini sotib olishni istasangiz, unga haqiqiy yulduz futbolchining narxida pul to‘laysiz.

O‘ylaymanki, yozgi transfer paytida bizni bir nechta syurprizlar kutmoqda. Pol esa jahonning eng qimmat futbolchisi maqomidan tushadi. Bu yaxshi.

Pogbaning holati yaxshi, lekin unga bo‘lgan yuqori e’tibor futbolchiga xalal beradi. U yaxshi o‘yin ko‘rsata olmasa, Pogbani mutaxassislar va muxlislar tanqid qilishadi.

Ishonchim komil, navbatdigi yozgi transferda Pogba saviyasining yarmicha bo‘lgan futbolchining narxi shuncha yoki undan qimmatroq bo‘ladi. Futbolchining yuqori e’tibordan xalos bo‘lishini kutyapman», — dedi Mourinyo.

Eslatib o‘tamiz, "MYU" Pol Pogbani "Yuventus"dan 89 million funt sterlingga sotib olgandi.