«Navbahor» Toshkent yig‘inidagi navbatdagi uchrashuvni Samarqandning “Dinamo” klubiga qarshi o‘tkazdi.
“Oq-tepa” maydonida bo‘lib o‘tgan o‘yinda «Dinamo» foydasiga 1:0 hisobi qayd etildi.
O‘yinning birinchi bo‘limida tomonlar xavfli vaziyatlarni yuzaga keltirishgan bo‘lsa-da, hisobni ochish hech bir futbolchiga nasib etmadi. Ikkinchi bo‘limda, “Dinamo” jamoasining o‘ng qanotdan uyushtirgan hujumi gol bilan yakunlandi. Aynan shu natija hakamning final xushtagi chalingunga qadar o‘zgarmadi.
«Navbahor» o‘yinni quyidagi tarkibda o‘tkazdi: Akmal Ortiqov, Jahongir Mehmonov, G‘iyos Komilov, Hasanboy Ergashev, Tohir Shamshitdinov, Alisher Mirzayev, Mansur Saidov, Oybek Qilichev, Azizbek Turg‘unboyev, Ro‘zimboy Ahmedov, Nemanya Yovanovich. Zaxiradan maydonga tushganlar: Asilbek Amanov, Alisher Samatov, Ilhom Boydedayev, Timur Tolipov, A’zam Aliyev, Ravshan Xursanov, Mirzohid G‘ofurov, Abduaziz Sultonov.
Endi namanganliklar so‘nggi nazorat o‘yinini 25 fevral kuni birinchi liga vakili “NBU-Osiyo” jamoasiga qarshi o‘tkazadi.
