«Arsenal» bosh murabbiyi Arsen Venger APLning 27-turi doirasida bo‘lib o‘tadigan «Liverpul»ga qarshi o‘yin borasida o‘z fikrlarini bildirib o‘tdi.

"Arsenal" Angliya chempionatining top-6 klublari – «Chelsi», «Tottenxem», «Manchester Siti», «Liverpul» va «Manchester Yunayted»ga qarshi so‘nggi 23ta safar uchrashuvida atigi 3ta marta g‘alaba qozongan.

«Futbolchilarim sifatli o‘yin borasida o‘zlariga o‘zlari qarzdor bo‘lib qolishdi. Ular yuqori saviyadagi futbolchilar, ammo "Bavariya"ga qarshi o‘yin kuni barcha narsa bizga qarshi ishladi: birinchi o‘yinni 1:1 hisobida yakunladik. Biroq ikkinchi bo‘limda hamma narsa "Arsenal"ga qarshi bo‘ldi. Biz 10 daqiqa ichida 3ta to‘p o‘tkazib yubordik. Bu ruhiy jihatdan juda og‘ir.

"Sannat"ga qarshi Kubok bahsida g‘alaba orqali javob qaytardik. "Liverpul"ga qarshi o‘yinda ham g‘alaba qozonmoqchimiz. Shuningdek, biz uchun g‘alaba yana shunisi bilan muhimki, so‘nggi paytlarda bunday bahslarda yaxshi o‘yin ko‘rsata olmayapmiz.

«Liverpul» bilan o‘yin — biz uchun imkoniyat va undan foydalanishni istaymiz. Katta ishtiyoq bilan hujumga o‘tsangiz, natija keladi. Men uchun bu eng muhimi. Bu uchrashuv mavsumning qolgan muhim pallasi oldidan ruhiy jihatdan muhim o‘zgarish nuqtasi bo‘lishi mumkin», — dedi Venger.