Angliya chempionatining 27-turida "Chelsi" "Vest Hem" mehmoni bo‘lib 2:1 hisobida g‘alaba qozondi.
Birinchi bo‘lim o‘rtalarida Eden Azar qarshi hujumga kirishyotib Fabregasga to‘p uzatdi, Sesk bir tepar usulda to‘pni uning o‘ziga qaytardi. Azar raqib jarima maydonchasi ichiga kirdi, qarshi yugurib chiqqan darvozabonni aldab o‘tib davrozaning yaqin burchagini nishonga oldi.
50-daqiqada burchak to‘pidan so‘ng to‘p o‘yinchilardan biriga tegib Diyego Kostaga kelib tushdi, u to‘pni darvozaga yo‘naltirdi. O‘yin oxirida Manuel Lansini mezbonlarning bitta javob to‘pini kiritdi.
Ushba g‘alabadan so‘ng "Chelsi" ikkinchi o‘rindagi "Tottenhem"dan 10 ochko ilgarilab ketdi.
Angliya chempionati, 27-tur
Vest Hem – Chelsi 1:2 (0:1, 1:1)
Gollar: 0:1 – 25 Azar, 0:2 – 50 Diyego Kosta, 1:2 – 90 Lansini.
Vest Hem – Rendolf, Rid (Bayrem, 64), Fonte, Kressuell, Kuyate, Nobl (Fernandesh, 77), Obiang, Snodgrass, Feguli (Ayyu, 64), Lansini, Kerroll.
Chelsi – Kurtua, David Luiz, Keyxill, Alonso, Aspilikueta, Fabregas, Mozes (Zuma, 76), Pedro (Matich, 65), Kante, Azar (Villian, 75), Diyego Kosta.
Ogohlantirish: Fabregas (45).
