Bugun “Nasaf” yoshlari 2-tur uchrashuvida “Buxoro” jamoasini qabul qildi.
Uchrashuv qiziqarli va kurashlarga boy tarzda o‘tdi. Dastlabki daqiqalarida mehmonlar tashabbusni o‘z qo‘llarida ushlab turishdi. Hisob ham ular tomonidan 13-daqiqada ochildi. O‘ng qanotdan tashkil etilgan hujumda jarima maydoniga oshirilgan to‘pni Mirfayz Muhiddinov darvozaga joylab qo‘ydi – 0:1.
Birinchi bo‘limning 30-daqiqasiga kelib, to‘p uchun kurashda qo‘pol harakat qilgan o‘yinchi Jasur Jumayev hakam tomonidan maydondan chetlatildi. Natijada "Nasaf" maydonda bir kishi kam bo‘lib qoldi.
Mezbonlar o‘zini qo‘lga olishiga ancha vaqt kerak bo‘ldi. Ular birinchi bo‘limning 44-daqiqasiga kelib hisobni tenglashtirishdi. "Buxoro" yoshlari darvozasiga golni Sardor Sadullayev urdi – 1:1. Birinchi bo‘lim ana shu hisob bilan nihoyasiga yetdi.
Ikkinchi bo‘limda yosh “ajdarlar” ancha mazmunli harakat qilishdi. Ular maydonda to‘pni nazorat ostiga olib, ketma-ket raqib darvozasiga hujumlar tashkil qilishdi. Ana shunday hujumlarning birida jarima maydoniga kirib borgan hujumchi Bobir Abduxoliqovni himoyachilar chalib yiqitdi. Belgilangan penaltini Sharof Muhitdinov aniq bajarib, hisobni 2:1 ga o‘zgartirdi.
Shundan so‘ng jamoa futbolchilari hujumlarni umuman to‘xtatishmadi. Uchrashuvning 78-daqiqasiga kelib, Bobir Abduxoliqov yana himoyachilarni ortda qoldirib, darvozabon bilan birga-bir vaziyatga chiqib bordi va mavsumdagi ilk golini urdi – 3:1.
Shunday qilib, maydonda bir kishi kam bo‘lib harakat qilgan "Nasaf" buxorolik tengdoshlarini 3:1 hisobida mag‘lubiyatga uchratdi va o‘z hisobiga dastlabki uch ochkoni yozib qo‘ydi.
Quyida uchrashuv qaydnomasi bilan tanishing.
Yoshlar ligasi, 2-tur. 08.03.2017
“Nasaf” (Qarshi) – “Buxoro” (Buxoro) 3:1 (1:1)
Qarshi sh., “Geolog” stadioni. 15:30da
Bosh hakam: Asker Najafaliyev (Toshkent)
Qanot hakamlari: Zufar Eliboyev, Jasur Bo‘riyev (ikkalasi ham Qarshidan)
Zaxira hakami: Ravshan Abdivohidov (Qarshi)
Nazoratchi: Radik Serazetdinov (Toshkent).
O‘zPFL vakili: Roman Chernikov.
Gollar: Sardor Sa’dullayev, 44’-1:1, Sharof Muhitdinov (pen.), 58’-2:1, Bobir Abduxoliqov, 78’-3:1 - Mirfayz Muhiddinov, 13’-0:1
“Nasaf”: 44.Muzaffar Sharipov (s) (30.Azizxon Isaqov 84), 6.Sirojiddin Qo‘ziyev, 9.Alfayzi Ne’matov (22.Akmal Olimov 56), 14.SHarof Muhitdinov (34.Navro‘zjon Saidov 68), 19.Saydullo Rahmatov (35.Jo‘rabek Mannonov 86), 20.Akmal Mozgovoy (23.Muhriddin Zoirov 84), 28.Sardor Sadullayev, 32.Jasur Jumayev, 33.G‘olib G‘aybullayev, 38.Doniyorjon Narzullayev (16.SHerzod Nasrullayev 89), 43.Bobir Abduxoliqov (7.Jahongir Qurbonboyev 89).
“Buxoro”: 12.Akmal Tursunboyev (25.SHohjahon Nasimov 80), 2. Ozodbek Qurbonov, 7. Mirfayz Muhiddinov, 3.To‘lqin Umarov, 8.Islom Xoliqov (14.Feruz Muinov 60 (93.Bexruz Shodmonov 82)), 10.Akobir To‘rayev, 18.Jamshid Hasanov (11.Xurshid Olimov 64), 23.Mirjalol Jumayev (17.Saiddoston Fozilov 82), 29.Ikromjon Hasanov, 33.Ravshan Yangiyev (16.Elshod Dilmurodov 63), 97.Ikrom Ivanov (9.Bahrom Narzullayev 43).
Ogohlantirish: Alfayzi Ne’matov 22, Sharof Muhiddinov 52 – Narimon Hasanov 57.
Chetlatish: Jasur Jumayev 30.
