Kecha gul olish uchun do‘konga kirdim. Bir zumda o‘sha yerning o‘zida sotuvchilar va xaridorlar ishtirokidagi Chempionlar ligasi o‘yinlariga bag‘ishlangan tok-shou boshlanib ketdi. 8 mart xarakatlari bilan yugurib yurgan erkaklar sal futbol bilan chalg‘idik. Yoshi katta bir sotuvchi otaxon savol berdilar:
— Bolam, san yaxshiroq bilasan-ku, "Barselona" nima qilarkin bugun? (bu savol otaxon "Barsa"ga ekanligini bildirardi)
— Yutadi, menimcha...
— E, rahmat, shunaqa deb tur, buyog‘dagilar o‘yin masalasi hal bo‘lgan, deb boshimni qotirib o‘tirishibti. Shularga "bolet" qilaman...
Ochig‘i, yutadi deb shunchaki javob o‘yini natijasini nazarda tutgandim, otaxonning kayfiyatini tushirmaslik uchun "g‘alaba qozongani bilan, chiqa olmasa kerak", deb gapimni davom ettirmadim. Yaxshiyam davom etmagan ekanman.
O‘yin tugagach o‘sha dialog esimga keldi. Otaxon ham meni eslaganlari aniq :)
Bunday fantastik o‘yinlarning yana bir zo‘r tarafi - aynan uchrashuv oldidan va tugagandan keyingi muhokama hamda bahslardir. "Barselona"ga muxlislik qiladigan do‘stlarimni tabriklayman! PSJning muammosi esa - "Barselona"ga qarshi avtobus uslubidagi himoyaviy uslub bilan o‘yinni boshlaganidir. Gap shundaki, "Barsa" deyarli har hafta Ispaniya La Ligasida "avtobus"chilarga qarshi o‘ynaydi va bunday yotib oladigan klublarni mag‘lub etish bo‘yicha mutaxassis bo‘lib ketgan. Emeri murabbiylik faoliyatining katta qismini La Ligada o‘tkazgan va unda Kamp Noudagi o‘rtacha jamoalar sindromi saqlanib qolibdi. Ya’ni maydonga tushmasdan ruhan mag‘lub bo‘lish.
Nima bo‘lganda ham tarixiy o‘yinga guvoh bo‘ldik, mazza qildik!
Davron FAYZIYEV,
"O‘zReportTV" telekanali sharhlovchisi
Kecha gul olish uchun do‘konga kirdim. Bir zumda o‘sha yerning o‘zida sotuvchilar va xaridorlar ishtirokidagi Chempionlar ligasi o‘yinlariga bag‘ishlangan tok-shou boshlanib ketdi. 8 mart xarakatlari bilan yugurib yurgan erkaklar sal futbol bilan chalg‘idik. Yoshi katta bir sotuvchi otaxon savol berdilar:
- Bolam, san yaxshiroq bilasan-ku, "Barselona" nima qilarkin bugun? (bu savol otaxon "Barsa"ga ekanligini bildirardi)
- Yutadi, menimcha...
- E, rahmat, shunaqa deb tur, buyog‘dagilar o‘yin masalasi hal bo‘lgan, deb boshimni qotirib o‘tirishibti. Shularga "bolet" qilaman...
Ochig‘i, yutadi deb shunchaki javob o‘yini natijasini nazarda tutgandim, otaxonning kayfiyatini tushirmaslik uchun "g‘alaba qozongani bilan, chiqa olmasa kerak", deb gapimni davom ettirmadim. Yaxshiyam davom etmagan ekanman.
O‘yin tugagach o‘sha dialog esimga keldi. Otaxon ham meni eslaganlari aniq :)
Bunday fantastik o‘yinlarning yana bir zo‘r tarafi - aynan uchrashuv oldidan va tugagandan keyingi muhokama hamda bahslardir. "Barselona"ga muxlislik qiladigan do‘stlarimni tabriklayman! PSJning muammosi esa - "Barselona"ga qarshi avtobus uslubidagi himoyaviy uslub bilan o‘yinni boshlaganidir. Gap shundaki, "Barsa" deyarli har hafta Ispaniya La Ligasida "avtobus"chilarga qarshi o‘ynaydi va bunday yotib oladigan klublarni mag‘lub etish bo‘yicha mutaxassis bo‘lib ketgan. Emeri murabbiylik faoliyatining katta qismini La Ligada o‘tkazgan va unda Kamp Noudagi o‘rtacha jamoalar sindromi saqlanib qolibdi. Ya’ni maydonga tushmasdan ruhan mag‘lub bo‘lish.
Nima bo‘lganda ham tarixiy o‘yinga guvoh bo‘ldik, mazza qildik!
Davron FAYZIYEV,
"O‘zReportTV" telekanali sharhlovchisi
