«Barselona» «Liverpul»dan braziliyalik yarim himoyachi Felippe Koutinyoni transfer qilish g‘oyasidan voz kechmayapti.
Diario Gol ma’lumotiga ko‘ra, kataloniyaliklar jamoasi hujumchisi Neymar o‘z vatandoshi bilan bir klubda to‘p surishni istamoqda va rahbariyatni Koutinyo uchun harakat qilib ko‘rishga ko‘ndirgan.
Qayd etilishicha, «Barselona» xo‘jayinlari «qizillar» safidagi xavbekning o‘yinlarini avvaldan kuzatib kelishgan va Neymarning taklifini ma’qullashgan.
Ammo, kataloniyaliklar klubi yetakchisi, joriy mavsum yakuniga qadar jamoada o‘ynovchi murabbiy vazifasini zimmasiga olgan Lionel Messi tarkibda Luis Suaresga raqobat qilishi mumkin bo‘lgan Koutinyoning transferiga qarshi chiqqan.
Joriy mavsumda 24 yoshli Koutinyo barcha turnirlar doirasida 26 uchrashuv o‘tkazib, 7 gol urgan va 7 golga hammualliflik qilgan.
Transfermarkt.de portalida«Liverpul» bilan 2022 yilgacha amal qiladigan shartnomaga ega bu futbolchining transfer qiymati 40 million yevroga baholangan.
