«Real» hujumchisi Karim Benzema Fransiya terma jamoasining navbatdagi o‘yinlariga chaqirilmadi.

Futbolchi jamoadoshi Matyo Valbuenani shantaj qilgani uchun Fransiya terma jamoasidan chetlatilgan, biroq yaqinda mamlakat futbol federasiyasi rahbari uni yana chaqirilishi mumkin deb aytgan edi.

Téléfoot xabariga ko‘ra, 29 yoshli futbolchi bosh murabbiy Didye Deshamning mart oyidagi o‘yinlar uchun chaqirgan futbolchilari ro‘yxatidan joy olmadi.

Fransiya terma jamoasi 25 mart kuni JCH-2018 saralashida Lyuksemburg bilan o‘ynaydi. 28 mart kuni esa Ispaniya terma jamoasiga qarshi o‘rtoqlik o‘yinini o‘tkazadi.