«Реал» ҳужумчиси Карим Бензема Франция терма жамоасининг навбатдаги ўйинларига чақирилмади.
Футболчи жамоадоши Матьё Вальбуэнани шантаж қилгани учун Франция терма жамоасидан четлатилган, бироқ яқинда мамлакат футбол федерацияси раҳбари уни яна чақирилиши мумкин деб айтган эди.
Téléfoot хабарига кўра, 29 ёшли футболчи бош мураббий Дидье Дешамнинг март ойидаги ўйинлар учун чақирган футболчилари рўйхатидан жой олмади.
Франция терма жамоаси 25 март куни ЖЧ-2018 саралашида Люксембург билан ўйнайди. 28 март куни эса Испания терма жамоасига қарши ўртоқлик ўйинини ўтказади.
