"Tottenhem"ning sobiq futbolchisi, hozirda "Real" yarimhimoyachisi "shporlar" hujumchisi Garri Keynning o‘yinlariga izoh berdi.
"Men "shporlar" safida o‘ynaganimda, u tez-tez biz bilan shug‘ullanib turardi. U kichkinagina bolacha edi, endi erkak kishi bo‘ldi. Keyn o‘sdi, u aqlbovar qilmas o‘yinchi.
O‘sha vaqtlarda uning bugungi darajasiga yetadi deb o‘ylamasdim. Ammo uning jadal mashg‘ulotlarda yo‘qolib qolmasligi ko‘rinib turardi. U aqldan ozganday mashg‘ulot o‘tardi. Hozir ham shunday.
Mehnati bilan, mahorati bilan katta sakrash qildi. Umid qilamanki, Garri bu yo‘lda davom etadi", - deydi Modrich.
