O‘zbekiston Kubogi 1/16 final bosqichi doirasida Zominda mahalliy «Zomin» klubi mehmoni bo‘lgan «Dinamo» jamoasi safardan irodali g‘alaba bilan qaytdi.
Joriy mavsumda Birinchi Ligada jiddiy maqsadlarni ko‘zlayotgan Jizzax viloyatining «Zomin» klubi futbolchilari mavsumdagi dastlabki o‘yinning ilk daqiqalaridan hujumkorlikni oshirib, 6-daqiqadayoq hisobni ochishdi, 1:0.
Ushbu tezkor gol mahalliy muxlislari qarshisida to‘p surayotgan zominlik futbolchilarni yana oldinga boshlashi kutilgandi, ammo aksincha bo‘lib chiqdi.
Hujumkorlikni oshirgan «Dinamo» futbolchilari oradan 10 daqiqa o‘tib, 16-daqiqada Sardor Sulaymonovning goli evaziga muvozanatni tiklashdi, 1:1.
Hisob tenglashgach, vakillarimiz yana hujumga o‘tishdi. 22-daqiqada burchakdan oshirib berilgan to‘pni hujumga yetib kelgan markaziy himoyachi Bunyod Isroilov bosh bilan raqib darvozasiga joylab, Samarqanddan tashrif buyurgan muxlislarning olqishiga sazovor bo‘ldi, 1:2.
O‘yinning qolgan qismida ham har ikki tomon ham muxlislarga shiddatli o‘yin taqdim etishgan bo‘lishsada, kichik hisobdagi ustunlik saqlanib qolindi va bu natija «Dinamo»ga nimchorak final yo‘llanmasini taqdim etdi.
O‘zbekiston Kubogi. 1/16 final.
«ZOMIN» - «DINAMO» - 1:2
Hakamlar: A. Asimov (Toshkent), R. Serazetdinov (Toshkent), A. Sapenko (Toshkent vil.), M. Turdiyev (Jizzax)
Gollar: ? 6 – Sardor Sulaymonov 16, Bunyod Isroilov, 22.
«Dinamo»: Mixail Naumov, Mirkomil Lokayev, Bunyod Isroilov, Shoxruh Xolmatov, Jasur Azimov, Akmal Bozorov, Radu Rogak, Orif Mamajonov (Amirjon Safarov, 66), Iskandar Xolmirzayev (Omadjon Tayloqov, 80), Komil Sharofutdinov, Sardor Sulaymonov (Abdumalik Abdullayev, 55).
Nazoratchi: B. Tog‘ayev (Toshkent).
Eslatib o‘tamiz, «Dinamo» jamoasi navbatdagi uchrashuvni 31 mart kuni 4-tur doirasida Samarqandda Namanganning «Navbahor» jamoasiga qarshi o‘tkazadi.
