"Arsenal" bosh murabbiyi Arsen Venger 2013 yilda "Liverpul" bilan Luis Suaresning transferi borasida muzokara olib borilganini va futbolchi bilan kelishib olinganini ma’lum qildi.
Londonliklar urugvaylik hujumchi uchun 40 million funt va qo‘shimcha 1 funt taklif qilishgan, 1 funt uning 40 mln funtlik tovon pulidan oshish uchun taklif qilingan.
"Suares "Arsenal"ga o‘tishga yaqin turgan edi. Biz Luis bilan kelishib qo‘ygan edik. Bizga uning tovon puli borligini, minimal tovon puli ekanligini adashib xabar qilishdi. Ammo biz futbolchining o‘zi bilan kelishuvimiz bor edi. Buni o‘zidan so‘rashingiz mumkin.
Suares bizning safimizga o‘tishni istaganiga ishonaman, ammo keyin "Liverpul" uni yana bir yil jamoada qolishga ko‘ndirgan va shundan so‘ng chet elga qo‘yib yuborishga va’da bergan edi", - deydi Venger.
Suares 2014 yilning yozida "Barselona"ga o‘tdi.
