"Арсенал" бош мураббийи Арсен Венгер 2013 йилда "Ливерпуль" билан Луис Суареснинг трансфери борасида музокара олиб борилганини ва футболчи билан келишиб олинганини маълум қилди.
Лондонликлар уругвайлик ҳужумчи учун 40 миллион фунт ва қўшимча 1 фунт таклиф қилишган, 1 фунт унинг 40 млн фунтлик товон пулидан ошиш учун таклиф қилинган.
"Суарес "Арсенал"га ўтишга яқин турган эди. Биз Луис билан келишиб қўйган эдик. Бизга унинг товон пули борлигини, минимал товон пули эканлигини адашиб хабар қилишди. Аммо биз футболчининг ўзи билан келишувимиз бор эди. Буни ўзидан сўрашингиз мумкин.
Суарес бизнинг сафимизга ўтишни истаганига ишонаман, аммо кейин "Ливерпуль" уни яна бир йил жамоада қолишга кўндирган ва шундан сўнг чет элга қўйиб юборишга ваъда берган эди", - дейди Венгер.
Суарес 2014 йилнинг ёзида "Барселона"га ўтди.
