Bugun Yevropa yashil maydonlarida JCH-2018 saralash o‘yinlarining 5-turi davom etadi. Mazkur tur kecha boshlanib «D» «G» hamda «I» guruhlarida o‘yinlar bo‘lib o‘tdi. Bugun esa, «A» «V» va «N» guruhda uchrashuvlar bo‘lib o‘tadi. Quyida mazkur guruhlar haqida qisqacha to‘xtalib o‘tamiz:
«A» GURUHI
Ko‘rib turganizdek bu guruhda Fransiya terma jamoasi yetakchilik qilmoqda. O‘tkazilgan uch o‘yinda fransiyaliklar 3ta g‘alabaga erishib bir marta durang o‘ynagan. Bugun Fransiya safarda guruh autsayderi Lyusemburgga qarshi o‘yin o‘tkazadi. Lyuksemburg hisobida faqatgina bitta ochko bor.
Ikkinchi o‘rinda borayotgan Gollandiya Bolgariya maydoniga safar uyushtiradi. Mazkur bahs qiziqarli o‘tishini taxmin qilish mumkin. Chunki Bolgariya agar g‘alabaga erishsa 4-o‘rindan 2-o‘ringa ko‘tarilib olishi mumkin. Shvesiya – Belarus o‘yinida ham jamoalar faqat g‘alaba uchun maydonga chiqishi tabiiy. Chunki Belarus agar yana ochko yo‘qotadigan bo‘lsa, guruhda qolib ketish ehtimoli yanada oshadi. Shvesiya ochko yo‘qotadigan bo‘lsa, to‘rtinchi o‘ringa tushib ketishi ham mumkin.
25 MART
22:00 SHVESIYA – BELARUS
00:45 BOLGARIYA – GOLLANDIYA
00:45 LYUKSEMBURG – FRANSIYA
------------------------------------------------------------
«V» GURUHI
Bu guruhda Andorrani inobatga olmaganda, deyarli barcha jamoalarning imkoniyati bor.
Hozircha Shveysariya mazkur guruhda yo‘qotishlarsiz kelmoqda. Portugaliya terma jamoasi esa bitta uchrashuvda mag‘lubiyatga uchragan.
Bugun Portugaliya Vengriyaga qarshi o‘ynasa, Shveysariya o‘z maydonida Latviyani qabul qiladi. Guruhdagi uchinchi bahs Andorra hamda Farer orollari terma jamoasi o‘rtasida kechadi.
25 MART
22:00 ANDORRA – FARER OROLLARI
22:00 SHVEYSARIYA – LATVIYA
00:45 PORTUGALIYA – VENGRIYA
------------------------------------------------------------
«N» GURUHI
Bugungi o‘yinlar ichida markaziy maqomidagi bahs aynan shu guruhda bo‘lib o‘tadi. Chunki guruh yetakchilari Belgiya hamda Gresiya o‘zaro bahsda maydonga tushishadi.
Mazkur turgacha Belgiya umuman yo‘qotishlarsiz kelgan. Gresiya esa bitta bahsda durangga o‘ynagan va shuning hisobiga ochkolar soni 2taga kam. Lekin bugun bir ochkoga o‘zib ketishi ham mumkin.
Bosniya va Gersegovina o‘z maydonida umuman autsayder hisoblanadigan Gibraltarni qabul qilsa, uchunchi bahs bir xil – uchtadan ochko to‘plagan Kipr hamda Estoniya o‘rtasida bo‘lib o‘tadi.
Mazkur guruhda Gibraltar terma jamoasi umuman ochko ishlamagan.
25 MART
22:00 KIPR – ESTONIYA
22:00 BOSNIYA GERSEGOVINA – GIBRALTAR
00:45 BELGIYA – GRESIYA
