«Barselona» hujumchisi Neymar Yevropa chempionlar ligasining nimchorak final bosqichi javob o‘yinidagi hissiyotlar borasida o‘z fikrlarini bildirib o‘tdi. Eslatib o‘tamiz, kataloniyaliklar birinchi o‘yinda 0:4 hisobida yutqazib, javob bahsida 6:1 hisobida g‘alaba qozonishdi va chorak finalga chiqishdi.

– Yaqinda «Barselona» «PSJ» ustidan g‘aroyib g‘alabani qo‘lga kiritidi. Bu faoliyatingizdagi eng yaxshi o‘yinmi?

– Bu uchrashuv o‘zining ahamiyati va hissiyotlari bo‘yicha muhim o‘yin bo‘ldi. Bu bahs hattoki Olimpiada, Konfederasiyalar kubogi va Chempionlar ligasi finalidan ham o‘tib ketdi. Oltinchi gol urilgan paytdagi ehtirosni oldinroq hech qachon his qilmagandim. Masalan, Olimpiada ham faoliyatimdagi eng muhim musobaqa bo‘lgandi.

– Serxi Roberto «PSJ» darvozasiga oltinchi golni urganida nimalarni his qildingiz? Golli hujum rivojlanayotganda nimalarni his qildingiz?
– Serxi Roberto gol urganida, men darhol qanot hakamiga qaradim va o‘yladim: «Yugur, xudo haqi, maydon markazi tomon yugur!» Oradan 1 soniya o‘tib, u yugura boshladi. Shundan keyin xursandchilik, aqir-chaqir boshlandi. Buni so‘z bilan ifodalab bera olmayman. Ehtiroslar jo‘sh urib ketdi.

Eslatib o‘tamiz, Chempionlar ligasining chorak final bosqichida «Barselona» «Yuventus» bilan to‘qnash keladi.