Angliya terma jamoasi sobiq himoyachisi Jon Terri 22 yillik faoliyatidan so‘ng “Chelsi”ni tark etmoqda.

“Chelsi” tarkibida 713 uchrashuvdan 578 tasida sardorlik vazifasini bajargan Terri bu qarorni qabul qilish faoliyati davomidagi eng og‘iri bo‘lgani haqida aytib o‘tdi.

“Bu qaror men va oilamdagilar uchun eng qiyin qaror bo‘ldi. Lekin doim kerakli vaqtda ketishni o‘ylagan edim, ha, shu vaqt yetib keldi.

Hozir ham sifatli futbol o‘ynay olishimni bilaman, lekin mening “Chelsi”dagi vaqtim chegaralangan. Endi yangi chaqiruvlarga tayyorligimni bildiraman”, - deydi Terri.