“Barselona” sobiq himoyachisi Dani Alves o‘tgan mavsumning so‘ngida jamoa rahbariyati bilan yangi shartnoma tuzish borasida kelisha olmagani haqida fikr yuritdi.
Uning so‘zlariga ko‘ra, “Barselona” tezroq Lionel Messi va Andres Inyestalar shartnomasiga e’tibor qaratishi lozim.
“Messi va Inyestaning yangi shartnomasi? Umid qilamanki, ular klub bilan yangi shartnoma imzolashadi. Chunki klubda buni istayotganlar ko‘p topiladi.
Eslab ko‘ring, “Barselona” rahbariyati men bilan qanday kelisha olmagandi? Agar hammasini futbolchining o‘zi hal qila olganida, bunday futbolchilarga allaqachon haykal o‘rnatilgan bo‘lardi.
Jamoaning sodiq futbolchilariga doim hurmat ko‘rsatish kerak. Ular bo‘lsa Messi va Inyesta kabi futbolchilar bilan shartnoma tuzish ishlarini cho‘zib yurishibdi”, - deydi Alves.
