O‘z maydonida oliy ligamizning ikki nomdor “Lokomotiv” va “Paxtakor”lariga qarshi kechgan bahsda ishonchli g‘alabaga erishgan Ixtiyor Karimov boshchiligidagi “Sho‘rtan” jamoasi muxlislariga g‘alabali onlarni taqdim etgan futbolchilariga uch kunlik ta’til berilgan edi.

Kecha jamoa futbolchilari g‘uzordagi qarorgohlarida yig‘ilib,  dastlabki jismoniy tayyorgarlik mashg‘ulotlarga kirishdi. “Oq bo‘rilar” 7-tur doirasidan o‘rin olgan bo‘lajak safar uchrashuvida “Navbahor”ga qarshi o‘zora  kurash olib borishadi. Bugun jamoa navbatdagi mashg‘ulotni asosiy maydonida olib borishdi.

Mashg‘ulot yakunidan so‘ng jamoa hujumchisi Zafar Polvonovdan bo‘lajak uchrashuv oldidan fikrlari bilan qiziqdik.

– Muxlislar tomonidan ushbu uchrashuvga qiziqish katta. Kurash juda qiziqarli kechishi turgan gap. Oldindan qilinadigan bashorat o‘zini oqlavermaydi. “Navbahor” bilan o‘yinimiz oson kechmaydi, aksincha qiyin o‘tadi. Shunga qaramay, faqat g‘alaba uchun maydonga tushamiz, – deydi Zafar Polvonov.