Londonning “Tottenxem” klubi yoshlar jamoasi murabbiyi Ugo Exioguning vafot etganini e’lon qildi. Murabbiy 45 yoshda hayotdan ko‘z yumdi.
“Chuqur iztirob bilan yoshlar jamoasi bosh murabbiyi Ugo Exioguning vafot etganini ma’lum qilamiz”, - deya yozadi bu haqda “shporlar” klubi rasmiy tvitteri
Ma’lumotlarga ko‘ra, Ugo klub bazasida hushini yo‘qotgan va shifohonaga olib ketilayotgan vaqtda vafot etgan. Taxminlarga ko‘ra, Ugoda kuchli yurak huruji kuzatilgan.
Ma’lumot uchun, Exiogu futbolchilik faoliyatida “Aston Villa”, “Midlsbro”, “Reynjers”, “Lids”, “VBA” va “Sheffild Yunayted” klublarida o‘ynagan bo‘lib, Angliya terma jamoasi safida 4 ta uchrashuv o‘tkazgan. Exiogu “Tottenxem”da 2014 yil mavsumida faoliyat olib borgan.
