Лондоннинг “Тоттенхэм” клуби ёшлар жамоаси мураббийи Уго Эхиогунинг вафот этганини эълон қилди. Мураббий 45 ёшда ҳаётдан кўз юмди.
“Чуқур изтироб билан ёшлар жамоаси бош мураббийи Уго Эхиогунинг вафот этганини маълум қиламиз”, - дея ёзади бу ҳақда “шпорлар” клуби расмий твиттери
Маълумотларга кўра, Уго клуб базасида ҳушини йўқотган ва шифоҳонага олиб кетилаётган вақтда вафот этган. Тахминларга кўра, Угода кучли юрак ҳуружи кузатилган.
Маълумот учун, Эхиогу футболчилик фаолиятида “Астон Вилла”, “Мидлсбро”, “Рейнжерс”, “Лидс”, “ВБА” ва “Шеффилд Юнайтед” клубларида ўйнаган бўлиб, Англия терма жамоаси сафида 4 та учрашув ўтказган. Эхиогу “Тоттенхэм”да 2014 йил мавсумида фаолият олиб борган.
