Italiya futbol federasiyasi A seriya o‘yinlarida takroriy videolavhalardan foydalanishga tayyor ekanini ma’lum qildi.
Italiya hakamlari assosiasiyasi rahbari Marchello Nikki bu haqda xabar bermoqda.
«Biz takroriy videolavhalar tizimini kelasi mavsumdanoq ishga tushiramiz. Xalqaro futbol assosiasiyalar kengashi buni ma’qullasa bo‘ldi» - dedi Nikki.
Rejaga ko‘ra, ikki nafar videohakam gollar, jarima maydoni ichidagi qoidabuzarliklar va chetlatishlar bo‘yicha yuzaga kelgan bahsli holatlarda qaror chiqarish huquqiga ega bo‘ladi.
