Италия футбол федерацияси А серия ўйинларида такрорий видеолавҳалардан фойдаланишга тайёр эканини маълум қилди.

Италия ҳакамлари ассоциацияси раҳбари Марчелло Никки бу ҳақда хабар бермоқда.

«Биз такрорий видеолавҳалар тизимини келаси мавсумданоқ ишга туширамиз. Халқаро футбол ассоциациялар кенгаши буни маъқулласа бўлди» - деди Никки.

Режага кўра, икки нафар видеоҳакам голлар, жарима майдони ичидаги қоидабузарликлар ва четлатишлар бўйича юзага келган баҳсли ҳолатларда қарор чиқариш ҳуқуқига эга бўлади.