«Barselona» hujumchisi Neymar Primeraning 33-turida «Real»ga qarshi o‘ynamaydigan bo‘ldi.

Kataloniya klubi bugun o‘z saytida 25 yoshli braziliyalikning «El Klasiko» zayavkasiga kiritilmaganini e’lon qildi.

Eslatib o‘tamiz, «Barselona» Neymarning uch o‘yinga diskvalifikasiya qilinishi yuzasidan Sport arbitraj sudiga shikoyat qilgan edi. Biroq, sud mahkamasi vaqtida o‘tkazilmay qolgani tufayli, ish hal bo‘lmadi. Shuning uchun ham, «Barselona» tavakkal qilib o‘tirmadi va 0:3 hisobidagi texnik mag‘lubiyatga uchramaslik uchun Neymarni o‘yin zayavkasiga kiritmadi.