"Paxtakor" oliy liganing 8-turida "Navbahor"ga qarshi Toshkentda maydonga tushadi.
Uchrashuv arafasida jamoamiz tarkib borasida muammolarga duch kelgan. Hoshimov, Tojiyev va Lobanov diskvalifikasiya sababli, Boltaboyev, Yaxshiboyev va Sohibov jarohat tufayli maydonga tushishmaydi.
Hozirgacha jamoalar chempionat doirasida 50 o‘yinda to‘qnash kelishgan. Ulardan 33tasida "Paxtakor", 11tasida "Navbahor" zafar quchgan. 6 o‘yinda esa durang qayd etilgan. "Sherlar" 90 to‘p kiritgan bo‘lsa, raqib 37 gol urgan. Toshkentdagi bellashuvlarda 22 g‘alaba, 2 durang va 1 mag‘lubiyat kuzatilgan. O‘z maydonimizda o‘tgan oxirgi 19 uchrashuvda jamoamiz ketma-ket muvaffaqiyatga erishgan.
Uchrashuvni Zokir Qodirov boshchiligidagi hakamlar guruhi boshqaradi. Qodirov "Paxtakor" ishtirokidagi 7 o‘yinda ishlagan. Ularda 5 g‘alaba, bittadan durang va mag‘lubiyat qayd etilgan.
"PAXTAKOR" - "NAVBAHOR"
Hakamlar: Zokir Qodirov (Navoiy), Obid Jumayev (Navoiy), Ruslan Samandarov (Navoiy), Komil Rasulov (Qarshi).
Nazoratchi: Xushvaqt Muxtorov (Samarqand).
PFL vakili: Farhod Magometov.
Yoshlar tarkiblari uchrashuvi 27 aprel, payshanba kuni Qibraydagi stadionda 17:00da boshlanadi. Asosiy jamoalar o‘yini 28 aprel, juma kuni "Paxtakor" stadionida 18:30da start oladi.
