Der Spiegel nashri "Real" huumchisi Krishtianu Ronaldu 2010 yilning yanvarida zo‘rlash ayblovidan pul bilan qutulish uchun 375 ming yevro to‘lagani haqida dalilga ega bo‘ldi.

Buning isboti sifatida portugaliyalik futbolchi va uning maslahatchisi Osorio de Kastoro o‘rtasida yozishmalar keltiriladi. Unda tovon puli haqida gap ketgan.

Der Spiegel Ronalduning imzosi qo‘yilgan pul o‘tkazmas hujjatini ilova qilgan.

– Vositachi qizning shokdaligi va yig‘layotganini aytmoqda. Hozircha tovon puli haqida gap yo‘q, u keyin paydo bo‘ladi, - deb yozadi de Kastro futbolchiga.

- Yaxshi, - deb jjavob beradi Ronaldu.

– 950 ming dollar, – degan sms yuboradi De Kastro futbolchining telefoniga.

– Shuncha pul so‘rashyaptimi? – so‘raydi futbolchi.

– Bu birinchi talab. Hozircha 660 ming yevro so‘rashyapti. Biz rad javobini beramiz. Muzokaralar davom etadi", - javob beradi de Kastro.

– Judaya ko‘pmi? – yozadi Ronaldu.

– O‘ylashimcha, ha. Biroz kamroq summaga kelisha olsak kerak", - yozadi de Kastro.

– Kamroq bo‘lishi kerak! – yozadi Krishtianu Ronaldu.

– Biz 260 ming yevroga kelishdik, – deya muzokara yakunilarini keltiradi de Kastro. - Shuningdek, vositachiga ham to‘lashimiz kerak. Yana pul o‘tkazishni rasmiylashtirayotgan yuristlarga ham to‘lash kerak. Bilaman, bu katta summa. Ammo vaziyatdan chiqishning eng yaxshi yo‘li. Kelishish oson bo‘lmadi.