O‘zbekistonlik erkin kurashchi Ayrtur Taymazov xalqaro Sport arbitraj sudiga apellyasiya tartibida murojaat qildi.
Xalqaro olimpiya qo‘mitasining 5 aprel kuni qabul qilgan qaroriga asosan, Taymazov 2008 yilgi Pekin olimpiadasida qo‘lga kiritgan oltin medaldan mahrum etilgan edi. Uning Pekin olimpiadasi paytida olingan tahlil namunalari qayta tekshirilganda, tarkibida turinabol va stanozolol kabi taqiqlangan moddalar borligi aniqlangan.
Endi Taymazov sud orqali o‘zining aybsiz ekanini isbotlamoqchi va oltin medalini qaytarib olmoqchi. Avvalroq, u hech qachon taqiqlangan moddalarni qabul qilmagani, 16 yil davomida har yili doping-namunalar topshirgani va biror marta ular ijobiy natija bermaganini aytgan edi.
