Ўзбекистонлик эркин курашчи Айртур Таймазов халқаро Спорт арбитраж судига апелляция тартибида мурожаат қилди.
Халқаро олимпия қўмитасининг 5 апрель куни қабул қилган қарорига асосан, Таймазов 2008 йилги Пекин олимпиадасида қўлга киритган олтин медалдан маҳрум этилган эди. Унинг Пекин олимпиадаси пайтида олинган таҳлил намуналари қайта текширилганда, таркибида туринабол ва станозолол каби тақиқланган моддалар борлиги аниқланган.
Энди Таймазов суд орқали ўзининг айбсиз эканини исботламоқчи ва олтин медалини қайтариб олмоқчи. Аввалроқ, у ҳеч қачон тақиқланган моддаларни қабул қилмагани, 16 йил давомида ҳар йили допинг-намуналар топширгани ва бирор марта улар ижобий натижа бермаганини айтган эди.
